Қаржылық мониторинг агенттігі қаржылық пирамиданың заңсыз қызметін тоқтатты. Қазіргі Агенттіктің аумақтық департаменттері еліміздің 14 өңірінде тергеу жүргізіп жатыр. Жоба өзін маркетплейс ретінде көрсетіп, қатысушыларға тұрақты табыс әкеледі деген түрлі инвестициялық «дүкен» пакеттерін сатып алуды ұсынған.
Жоба негізінен реферальдық жүйе арқылы жұмыс істеген. Қатысушыларға жаңа инвесторларды тарту үшін ақшалай сыйақылар мен бағалы сыйлықтар уәде етілген. Белсенді өңірлік маркетинг пен ауқымды жарнамалық науқанның нәтижесінде ұйымдастырушылар заңсыз схемаға шамамен 1,5 мың салымшыны тартқан. Жобаны насихаттау мақсатында жабық таныстыру кештері, кеңселердің салтанатты ашылуы және жаппай таныстырылымдар өткізілген.