Данияр мен Аяна үйлену тойына дайындықты бастап кетті. Тек бір-ақ мәселені шешу керек. Той ауылда өте ме, әлде қалада ма? Данияр қала десе, Аяна ауылға қарай тартады. Екі жақ ақылдаса отырып, ортақ шешімге келсе де, Аяна да, Данияр да отбасылық өмірді бастамай жатып, болмашы нәрсеге бола ренжісе бастайды. Қос ғашық армандарына жету жолында түрлі кедергілерге тап болады. Олар қандай шешім қабылдайды?

Биографиялық телехикая сюжетінде Қорқыттың дүниеге келуі, балалық шағы, жеткіншек кезінен сәуегей, абыз ретінде қалыптасу жолы көрсетіледі. Телехикая сценарийі әлемдік деңгейде зерттелген «Қорқыт ата» кітабына, атап айтқанда «Салор Қазанның үйінің шабылғаны туралы жыр» желісі негізінде түсірілген.

Гүлназ – шетелде білім алған студент. Оқуын тәмамдап, елге оралады. Жігіті Диас екеуі жазда үйлену тойын өткізуді жоспарлап қойған еді. Алайда күтпеген жерден Диастың опасыздығын көріп, оған ашуланып, ауылда тұратын әпкесінің үйіне кетіп қалады. Ернат – ауылда мал дәрігері. Оқуды қызыл дипломға бітірген білімді жігіт. Ол Гүлназбен тез тіл табысып кетеді. Құда бала мен құдаша қыздың арасында басталған қарым-қатынас уақыт өте келе нәзік сезімге ұласады. Отбасылық комедияда Самалдың (Гүлназдың әпкесі) адуынды қайын әпкесі Бекзаттың, Ернатқа тұрмысқа шыққысы келетін ауылдағы дәрігер қыз Балнұрдың, құдаша қыздан дәмесі бар ауылдың сері жігіті Дәулеттің де қызықты хикаялары қатар өрбіп отырады.

Телехикаяда Алаш қайраткері Міржақып Дулатұлы өмірінің 1909-1935 жылдардағы кезеңі қамтылады. Міржақыптың «Оян, қазақ!» кітабының жарыққа шығуы, «Бақытсыз Жамал» романының жазылуы, революциядан кейінгі жылдардағы, ашаршылық кезіндегі қоғамдық-саяси қызметі, Қызылорда, Семей, Мәскеудің әйгілі «Бутырка» абақтысындағы жылдары және жан жары Ғайнижамалмен махаббат хикаясы сериалда кезек баяндалады.