Даңқты шопан Жазылбек Қуанышбаевтың 130 жылдық мерейтойы мен Мойынқұм ауданында ауданның 60 жылдығына арналған облыстық байқау өтті. «Smart Battle: Жастардың білім сайысы» аталатын сайысты Мойынқұм ауданының жастар орталығы ұйымдастырды. Зияткерлік додаға Жамбыл облысының түкпір-түкпірінен келген белсенді жастар қатысты.
Сайыстың негізгі мақсаты – жастардың логикалық және сыни ойлау қабілетін, шешендік өнері мен көшбасшылық қасиеттерін дамыту, сондай-ақ олардың таным көкжиегін кеңейту болды. Сонымен қатар, Мемлекет басшысы ұсынған 30 кітапты кеңінен насихаттау арқылы жастардың кітап оқуға қызығушылығын арттыру, сөздік қорын молайту және еркін пікір алмасу мәдениетін қалыптастыру көзделді.