Жетістікке жетелеген ұстаз

Әулиеаталық ұстаздар шәкірт тәрбиелеуде елімізде көш бастап жүр. Талапты жастың бетінен қақпай, белін буып түрлі білім сайыстарына апарып, жүлде алып жүрген мұғалімдер аз емес. 

Бөкетов атындағы Қарағанды ұлттық зерттеу университетін тәмамдаған Дәурен Естаев еңбек жолын ұстаздықтан бастайды. Алғашқы жылдардан-ақ ол өзінің негізгі мақсатын айқындаған. «Оқушылар математиканы құр формулалар мен есептерден тұратын пән деп емес, өмірде қажет болатын білім ретінде түсінсе екен деймін», – дейді кейіпкеріміз.