Шу вокзалы қайта жаңғырды

Шу ауданында қайта жаңғыртудан өткен теміржол вокзалы пайдалануға берілді. 1989 жылы пайдалануға берілген бұл нысан алғаш рет күрделі жөндеуден өтіп отыр. Қайта жөндеу жұмыстары Мемлекет басшысы Қасым-Жомарт Тоқаевтың теміржол вокзалдары мен олардың инфрақұрылымын жаңарту және абаттандыру жөніндегі тапсырмасы аясында жүзеге асырылды. Ашылу рәсіміне аймақ басшысы Ербол Қарашөкеев арнайы қатысты.