Қариясы бар елдің қазынасы бар

Қариясы бар елдің, қазынасы бар. Өңірімізде бір әулиет қана емес, бүкіл аймаққа ақылшы болып, адал еңбектің арқасында ауылды дамытуға ат салысып отырған аға буын өкілдері жетерлік. Солардың бірі бүгінде сексеннің сеңгіріне шыққан Шу ауданы, Ақсу ауылының тұрғыны, еңбек ардагері Бақытжан Тілеужанов. Кезінде ауылда зоотехник, әкім қызметтерін атқарған қария бүгінде бейнетінің зейнетін көріп отыр.