Мектепке боянып келуге тыйым салынады

Жаңа оқу жылы қарсаңында әлеуметтік желіде қызу талқыға түскен тақырыптардың бірі – мектепке боянып, жасанды кірпік жапсырып, ұзын тырнақпен келетін оқушы қыздарға қатысты талаптар. Мұғалімдер мектеп талаптарын сақтамай келетін ұл-қыздар тәртіптік жазаға тартылады деп отыр. Дегенмен мектептерде жаңа заң қабылданған жоқ. Бірақ білім ұйымдары оқушылардың сыртқы келбетіне қатысты бұрыннан қолданыстағы ережелерді орындауды талап етеді.