Меркіде 16 мыңнан астам оқушы жаңа оқу жылын бастады

Меркі ауданындағы барлық білім ордаларында алғашқы қоңырау соғылып, жаңа оқу жылы ресми түрде басталды. Салтанатты жиындардың бірі Темірбек Қожакеев атындағы №39 жалпы орта білім беретін мектеп-гимназиясында өтті. Іс-шараға аудан әкімі Ербол Жиенқұлов қатысып, ұстаздар мен оқушыларды жаңа оқу жылының басталуымен құттықтап, ізгі тілегін білдірді.