Салық төлеуден жалтармау қажет

Көлеңкелі экономикаға қарсы күрес – мемлекеттік кірістер органдарының негізгі бағыттарының бірі. Жамбыл облысында бұл бағытта кәсіпкерлікті заңдастыру, салық тәртібін күшейту және бюджетке түсетін түсімдерді арттыру бойынша жұмыстар жүргізілуде. Осы мақсатта «Кәсіпкердің абыройы – адалдықта, тұтынушының сенімі – фискалдық чекте» жобасы іске қосылған. Жоба аясында азаматтар сауда орындарында орналасқан QR-код арқылы заң бұзушылықтар туралы мемлекеттік кірістер органдарына хабарлай алады.