Жедел жәрдем бригадаларының чемпионаты басталды

Тараз төрі бүгін адам өмірін арашалап жүрген ақ халатты абзал жандардың басын қосты. Қазақ хандығының туы алғаш тігілген қасиетті өлкеде ІІ-ші республикалық халықаралық жедел медициналық жәрдем бригадаларының чемпионаты салтанатты түрде ашылды. Үш күнге созылатын айтулы додаға Қазақстанның барлық өңірінен және шетелдерден келген 27 команда қатысып, кәсіби шеберліктерін сынға салады.