Әдебиетке қолжетімділік – баршаға ортақ іс

Қаламгердің сөзі ғана емес, оның өз дауысы да – уақытпен бірге сақталатын құндылық. Тараздағы Жамбыл облыстық көзі көрмейтін және әлсіз көретін азаматтарға арналған кітапханада өңір әдебиетінің осындай ерекше мұрасын жинақтаған «Алтын қор» жобасы таныстырылды. Кітапта Жамбыл өңірі қаламгерлерінің дауыстарымен оқылған 16 шығарма цифрлы форматқа енгізілген. Бұл көру мүмкіндігі шектеулі оқырмандар үшін әдеби шығармаларды тыңдау арқылы қабылдауға жол ашады.