Тұрғындар баспанасы тегін жөнделіп жатыр
Таразда көпқабатты үйлер жаңаруда. Кезінде шатырынан су ағып, қабырғасы қақыраған үйлер қазір адам танымастай өзгерген. Ең қызығы, бұған бұқарадан көк тиын да жиналмапты. Бас-аяғы 36 үйді әкімдік бюджеттен артылған қаржыға жөндеп жатыр. Былайша модернизация үшін соңғы 3 жылда 3,3 млрд теңге жаратылған. Әзірге жоба аясында шаһар орталығындағы 4 көшенің көпқабатты үйлері кірген. Қала билігі келер жылы тағы 2 көшедегі 7 ескі үйді жаңартпақ. Айта кетейік, бұған дейін шаһарда модернизация үшін бюджеттік мүмкіндік болмаған еді. 60 жыл бойы жөндеу көрмеген үй тұрғындары құрылысшыларға өздері де асарлатып қолқабыс етіп жүр