Балағат сөздері үшін жауапқа тартылған блогер психиатриялық орталыққа жатқызылды
TikTok әлеуметтік желісінде «Золотая женщина» лақап атымен танылған Байзақ ауданының 41 жастағы тұрғыны Лайло Қасымова тікелей эфирлер барысында балағат сөздер қолданғаны үшін бірнеше рет әкімшілік жауапкершілікке тартылған. Бірнеше мәрте ескерту жасалып, профилактикалық жұмыстар жүргізілгеніне қарамастан, әйел мұндай әрекеттерін жалғастыра берген. Ол өзінің кәмелетке толмаған балаларына қатысты да балағат сөздер айтқан. Полиция, қорғаншылық және қамқоршылық органдары, сондай-ақ басқа да мүдделі қызметтердің қатысуымен балалардың тәрбиелену және тұрмыстық жағдайы тексерілді. Қазіргі уақытта балалар әкесінің қарауында. Жедел медициналық жәрдем бригадасының тексеруінен кейін Лайло Қасымова ем қабылдау үшін Жамбыл облыстық психикалық денсаулық орталығына жатқызылды.