Құрылтай сайлауына дайындық қарқынды

Құрылтай депутаттарын сайлауға санаулы уақыт қалды. Нақтылы кезеңде өңірдегі сайлау учаскелерінің әзірлігі, сайлаушылар тізімдерінің нақтылануы және дауыс беруді ұйымдастыру мәселелері пысықталуда. Осы бағыттағы жұмыстардың барысын зерделеу үшін ҚР Орталық сайлау комиссиясы төрағасының орынбасары Мұхтар Ерман Жамбыл облысына жұмыс сапарымен келді. Ол Тараз қаласындағы бірқатар сайлау учаскесін аралап, олардың материалдық-техникалық және ұйымдастырушылық дайындығымен танысты.