Бір шаңырақ - қос кәсіп: Ат әбзелі мен эко-сабын
Ат әбзелін жасаудың қыр-сырын 13 жасында меңгерген Меркі ауданының тұрғыны Өркен Елеусінов бүгінде осы өнерді кәсіпке айналдырып отыр. Ақтоған ауылындағы шебердің ұлттық қолөнермен айналысқанына 45 жылға жуықтаған. Алғашында бұйымдарды өз қажетіне дайындаған ол кейін тапсырыстар қабылдай бастаған. Қазір шебер ертоқым, қамшы, жүген және басқа да ат әбзелдерін әзірлейді. Осылайша, Өркен Елеусінов дәстүрлі өнерді дәріптеп қана қоймай, оны заманауи кәсіп көзіне айналдырып келеді.