Қазір жастардың қоршаған ортаға деген қамқорлығы қуантады. Олар әрбір сәтті қалт жібермей, кез-келген нәрсені пайдалы затқа айналдыруда белсенді. Бүгін облыс әкімі Ербол Қарашөкеев осындай дарынды оқушылармен кездесіп, «Жасыл әлемді бірге құрайық» акциясы аясында өсімдіктер тұқымын екті. Шерхан Мұртаза атындағы мектеп-гимназияда акцияға 8-10 сыныптардан 200 оқушы тартылып, олар бозарша, арша, шырша, қарағай тұқымдарынан жалпы саны 1000 дана дәнек екті.