Ән әлеміндегі Әбен: Әбен Шалқарбаевты еске алу кеші

Талас өңірі — тарихы терең, мәдениеті бай, халқымыздың біртуар перзенттерін дүниеге әкелген қасиетті өлке. Сол жерде туып, өзінің лирикалық әндері арқылы жалпы жұртқа танымал болған жандардың бірі Әбен Шалқарбаев еді. Күні кеше Қаратау қаласында сазгерді еске алуға арналған «Әбеннің әсем әндері-ай» атты кеш өтті. Оған еліміздің бірқатар аймағынан келген өнерпаздар мен жергілікті тұрғындар қатысты.