Жүгеріні терең өңдеу зауыты жұмысын бастады
Жамбыл облысында тағы бір ірі өндіріс орны іске қосылды. Шу ауданында жүгеріні терең өңдейтін зауыт жұмысын бастады. Кәсіпорынның ашылу рәсіміне Мемлекет басшысы Қасым-Жомарт Тоқаев онлайн қатысты. Жоба «Қазақстан-Қытай» инвестициялық форумы аясында жүзеге асырылып отыр.
Бұл – Қытайдың Fufeng корпорациясы жүзеге асырып отырған ірі инвестициялық жобалардың бірі. ShengTai Biotech компаниясы 2025 жылы құрылып, өндіріс орны Шу ауданындағы «JIBEK JOLY» арнайы экономикалық аймағында бой көтерді. Кәсіпорынға бөлінген аумақ – 400 гектар. Жобаға 1,5 миллиард АҚШ долларын инвестициялау жоспарланған. Өндіріс толық қуатына шыққанда, жылына 3 миллион тонна жүгері өңдеуге мүмкіндік болады. Сонымен қатар, 1700 адам тұрақты жұмыспен қамтылады.