Тыйым салынған жолға шығып кеткен

Облыс орталығындағы Төле би көшесінде кезекті жол-көлік оқиғасы орын алды. Қазіргі таңда бұл көшедегі «М-1» жылу магистралін жаңарту жұмыстары жүргізілуде. Осыған байланысты әлеуметтік желілер мен бұқаралық ақпарат құралдарында осы көшенің жабылуы туралы ақпарат алдын ала таратылып, құрылыс жұмыстары учаскесінде тиісті жол белгілері орнатылған болатын.