Саяси жаңғыру: Билік пен халық арасындағы байланыс қалай өзгерді?

Жеті жылға жуық уақыт ішінде Қазақстанның саяси жүйесінде бірқатар институционалдық өзгеріс жүзеге асты. Қоғамдық диалогтың жаңа тетіктері қалыптасып, партиялық жүйе мен сайлау заңнамасы жаңарды. Жергілікті басқаруда халықтың тікелей таңдау құқығы кеңейді. Дегенмен, реформаның нәтижесі қабылданған заңдар мен өзгертілген талаптардың санымен ғана өлшенбейді. Ең маңыздысы – олардың іс жүзінде орындалуы, халық сенімінің артуы.