Дәстүрлі поштаның дәуірі өтіп бара ма?
Цифрлық заманда дәстүрлі хат жеткізудің бүгінде тағдыры қалай? Цифрландыру толқынына іліккен пошта жүйесі тек хат тасумен шектелмей, жаңа міндеттерді де арқалап отыр. Электронды пошта мен әлеуметтік желілер секунд ішінде хабар алмасуға мүмкіндік берсе де, дәстүрлі қағаз хаттардың жөні бөлек. Қазпошта мамандарының айтуынша, қазіргі қоғамда қолмен хат жазып, оны конвертке салып жолдайтын азаматтар әлі де кездеседі. Олардың көбі — ерекше сезім мен шынайылықты бағалайтын жандар немесе ресми құжат алмасатын заңды тұлғалар.