Жасыл энергетика - Қазақстанның болашағы. 2050 жылға қарай республикада шығарылатын барлық энергияның жартысы жаңартылған энергия көздерінен алынуы керек. Облысымыздың Қордай ауданында электр қуатын желден алуға бағытталған жобалар іске қосылды.
Жамбыл облысында жаңартылған энергия көздерін дамыту үшін бірқатар жобалар жүзеге асырылуда. Яғни, олар жел және күн электр станциялары. Еліміз «Жасыл Энергияға» көшуді пәрменді түрде қолға алып отыр. Қазіргі кезде Қордай ауданындағы Vista Internationalда 60 метр биіктікті құрайтын мұнарасы және диаметрі 54 метр айналмалы роторы бар 21 бірдей генератор орнатылған. Бұл қондырғылар 3,5 метр секунд жел күшіне айналып тұрады. Егер желдің жылдамдығы 25 м / с-ден артық болса, таяқшалар тоқтайды, әйтпесе діріл құрылым жұмысын бұзады. Станция электр стансасы арқылы өтетін жерде орналасқан, барлығы экологиялық таза. Жалпы қуаты - 21 МВт. Оған мониторинг тәулік бойы жүргізіледі. Қандай да бір ақау пайда болса, ол мәселелер бірден шешіледі. Сонымен қатар, қашықтан басқару жүйесін орнату жоспарланып отыр, бұл инспекция мен техникалық қызмет көрсету уақытын қысқартады. Қордай, Талас және Сарысу аудандары жел энергетикасын дамытуға бірден-бір қолайлы аймақ. Сарапшылар Жамбыл облысындағы жел энергетикалық ресурстарының қосар үлесі айтарлықтай деп есептейді. Осылайша, «ЭКСПО-2017» халықаралық көрмесі «жасыл энергетиканың» дамуына қуатты серпін береді.
Қымбат Қаржауқызы, «Жаңалықтар қызметі»