Қазақстан түркі елдерімен сауданы $10 миллиард жеткізді
Президент Қасым-Жомарт Тоқаев Анкарада өткен Түркі мемлекеттері ұйымының 13-саммитінде сөз сөйледі. Мемлекет басшысы түркі елдерінің ынтымақтастығын нығайту - ортақ стратегиялық міндет екенін атап өтті. Биыл Қазақстанның ұйымға мүше мемлекеттермен өзара сауда көлемі 10 миллиард долларға жуықтаған. Бұл - былтырғы көрсеткіштен 40 пайызға жоғары. Мемлекет басшысы сауда, инвестиция, өндіріс және ауыл шаруашылығы салаларындағы байланысты күшейтуді ұсынды. Қазақстанның цифрландыру мен жасанды интеллект саласындағы тәжірибесін бауырлас елдермен бөлісуге дайын екенін жеткізді.