Жол жөндеу жұмыстары жалғасуда

Таразда жол жөндеу жұмыстары қыза түсті. Биыл шаһардағы 3 көшенің қайта жаңғырту жұмыстары жүреді. Сонымен қатар 42 көшесінде тұрғындарға қолайлы болу үшін 14,8 шақырым жаяу жүргіншілер жолы салынады. Ал алдағы екі жылда көлік қозғалысын жеңілдетуге бағытталған ірі жобалар қолға алынбақ. Бұл – жыл сайын қордаланған жол мәселесін кезең-кезеңімен шешуге бағытталған жүйелі жұмыстың жалғасы.