Нәзік жандылардың көшбасшылық әлеуетін дамытуға « енді оқытушы профессорлар да үлес қосады. Дулати Университетінде «Айша Бибі» әйелдер көшбасшылық мектебі ашылды. Жоба бас партияның өңірдегі филиалымен бірлесіп жүзеге асырылады.
«AMANAT»-тың бастамасымен қолға алынған бұл өңірлік жобаға белсенді һәм әлеуеті жоғары 100 нәзік жанды іріктеліп алынған. Олар қазақстандық саясаткер әйелдердің тәжірибесіне сүйене отырып, басқару дағдыларын дамытып, көшбасшылық қабілетін арттырады, кез-келген жағдайда шешім қабылдай алуға үйренеді. Нәтижесінде «отқа салса жанбайтын, суға салса батпайтын» қайсар, бәсекеге қабілетті әйел кадрлар пулы қалыптасады. Бұл әдіс қоғамдағы гендерлік теңгерімді нығайтып, әйелдердің әлеуметтік-экономикалық, саяси рөлін арттыруға жол ашпақ.