471 млрд теңгеге 47 жоба жүзеге асады
Биыл аймақта 471 миллиард теңгеге 47 жобаны жүзеге асыру көзделген. Нәтижесінде, 2,5 мың азамат тұрақты жұмыспен қамтылу керек. Ал, 2026 - 2029 жылдар аралығында жалпы құны 5, 6 триллион теңгені құрайтын 116 инвестициялық жоба іске аспақ. Бұл ақпаратты аймақ басшысы Ербол Қарашөкеев «Атамекен» президиумының төрағасы Қанат Шарлапаевпен өткен кездесуде айтты.
Кездесудің басты мақсаты - бизнестің дамуына кедергі келтіріп отырған мәселелерді ашық талқылап, инвесторлардың құқықтарын қорғау тетіктерін нақтылау болды. Облыс әкімі Ербол Қарашөкеев билік пен бизнес арасындағы жүйелі өзара іс- қимыл өңір экономикасының тұрақты дамуының негізгі кепілі екенін атап өтті.