Ұлу жылы Байзақтық спортшылар үшін табысты болды. Қол күресінен сегіз әлем чемпионы мен 42 азия чемпиондары алтыннан алқа тақты. Иә, бұл өзіміздің Байзақ ауданындағы Абай ауылынан шыққан спортшылардың жетістігі. Ауылдың балаларын спортқа баулып, қол күресінен жетістікке жетуіне себепкер болған жан - Ілияс Жансақалов. Бұлақ көрсең көзін аш, деген тәмсілді берік ұстанатын кейіпкеріміз қазақ қыздары арасында да тұңғыш әлем чемпионын шығарған.