Тас дәуірінен жеткен жәдігер. Сарысу ауданындағы «Ақтоғай» үңгірінен 23 мың жыл бұрынғы бұйымдар табылды. Археологтардың сөзінше, ондағы тастың сынықтары, ұсақ малдың сүйектері, тау текенің омыртқалары тас дәуіріне тән екен.
Ғалымдар ол үңгір адамзаттың алғашқы мекендеген орындарының бірі екендігін айтады. Енді онда алдағы уақытта ашық аспан астындағы музей болуы мүмкін. Ал, халықаралық бірлескен археологиялық экспедицияның ғылыми зерттеу жұмыстары әлі де жалғасады.