ҰБТ сұрақтарын дайындайтын ұстаз
Бүгінде Жамбыл облысында білім саласында 26 029 педагог еңбек етіп, шәкірт тәрбиесіне үлес қосып келеді. Биылдың өзінде халықаралық және республикалық байқаулар мен олимпиадаларда облыстың 88 ұстазы жеңімпаз атанды.
Базарбай Дүйсенбаев жастайынан журналист болуды армандаған. Жоғарғы оқу орнына түсу үшін үш рет талпынады. Бірақ үш жолы да сәтсіз аяқталады. Үмітін үзбей, кітапханаға жиі барып жүргенінде, кітапханашы оған Антон Макаренконың «Ұстаз дастаны» кітабын ұсынады. Дәл осы кітап оның мұғалімдікке деген қызығушылығын оятқан.