Жат қылық жасайтын жасөспірімдердің саны азаймай тұр. 10 айдың ішінде өңірде кәмелетке толмағандарға қатысты 78 қылмыс тіркелген. Оның 8-і аса ауыр. Өкінішке орай, өз өзіне қол жұмсау фактілері, әлімжеттік әрекеттер де әлі де орын алуда.
Бұзушылықтарды болдырмау үшін тараптар қанша күш салса да, оң нәтиженің шығып жатқаны шамалы. Қоғамда өткір тұрған бұл тақырып бүгін облыс әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның кеңейтілген отырысында қаралды.